كلمات اغنية ابن ابوه احمد شيبة تتر مسلسل حق عرب

ابن ابوه احمد شيبة كلمات

الحر مهما تعب في دنيته سداد

تلاقيه ما بين الرجال بكلمته سداد

ولا عمره يوم افترى

وكلامه سيف له حد

وفي ساعة الجد لو كان

وسط الحتان سداد

اللي قلبه زي قلبك

يبقى مجدع زي ابوه

واللي عينه مليانه زيك

يبقى عاش على حس ابوه

واللي رأيه زي رأيك

واللي عاش يرضي الغلابه

يبقى واد من ضهر ابوه

دمه حر وياما قابل

عالموت ولا هزوش خالص

ما جاش في يوم خد حقه سكوت

ما يعرفوش خالص

عارف طريقه وسكته

عمر البارود مايسكته

راجل ولو قال كلمته

خلص الكلام خالص

عود ايدك تمسح خدك

ما تتعشمش في حد يطبطب

حط حجر سوان على قلبك

سوق الحب خلاص بيشطب

عقلك خلك اوعى تآمن

وياك قاعدين واكلين شاربين

وماحدش في يوم يتأمن

بص على شمالك ويمينك

اوعى في مره تبص وراك

خد بالك ناس مش عايزينك

وتشوفك تتمنى رضاك

بس اوعى تنسى وتسند ظهرك

على حيط مايل ولا تتحايل

وحاسب من اللي قاعد بيسايرك

وجوه في قلبه الغل تقايل

خليك صاحي وخليك واعي

هيقابلك تعابين وأفاعي

خليك سندال هتشوف تعبان

لازم انت تكون برضه رفاعي

عود ايدك تمسح خدك

ما تتعشمش في حد يطبطب

حط حجر سوان على قلبك

سوق الحب خلاص بيشطب

عقلك خلك اوعى تآمن

جايه الضربه منين مش ضامن

وياك قاعدين واكلين شاربين

وماحدش في يوم يتأمن

بص على شمالك ويمينك

اوعى في مره تبص وراك

خد بالك ناس مش عايزينك

وتشوفك تتمنى رضاك