كلمات اغنية احلا من الزين ماجد خضير

احلا من الزين ماجد خضير كلمات

قلبي هذا ما بقي مخلوق ما هازه

كم فاتن صد بي عنها ما يبغيها

يجهل دروب الغرام ويجهل الغازه

ولا يعرف الجروح الا بطاريها

لين الصدف جابت الي حسنه أمتازه

وليالي العيد تعرف من عصاريها

يا الي جبينك يشع وفيك غمازه

أحفظ معاني حروف أسمك و عطنيها

وحاول تداوي جروح عنك مخفيها

ترا قلوب البشر للحب معتازه

وان غاب مثلك بياقف نبضها فيها

أنتي جمالك هذا ما غير في كازه

وفي طنجه وفالديار الي حواليها

أحلا من الزين كله وأفخم طرازه

سبحان رب بكثر الحسن مطغيها

أسلوبها يجتمع به جد و طنازه

الله محلن سوالفها وحاليها

والجسم كن الردايف عنه منحازه

وأدنى شعرها تخثع فيه رجليها

ما فيه بنت تبا تشره تماريها

تشبه لشقرا بوسط الخيل فوازه

ضار على كسبت الناموس راعيها

سبوق وان جات فالميدان لزازه

تفهق جميع المهار الي تجاريها

يا بنت قوم على الامجاد حوازه

شيخان في حاضر الدنيا و ماضيها

جدك يروح الشجيع بفعله جنازه

وعينك تسو السواه الي يسويها