كلمات اغنية احلم زاب ثروت

احلم زاب ثروت كلمات

الحفلة زحمة مليانة وشوش كتير اعرفها

خلان و اعمام و اسامي لسه صعب انطقها

عشرة و محبة واضحين ما بين الناس حواليا

بيقولوا ده عيد ميلادي الحفلة دي معموله ليا

مابين كتير هدايا كان جواب مبعوت لاسمي

مكتوب عليه بخط امي لحبيبي ابني

طب ليه جواب ما انتي جنبي دايما طول الوقت

بلاش لماضة بقى افتح جوابك لو سمحت

قالت لي في الجواب كل سنة وانت زيي

ما انت جوا قلبي في المكانة ملكش زيي

تكبر و اشوفك زي ما انت عايز تبقى عايز

كده او كده حبيبي والكلام جوابي حاسس

عصبي و صوتي عالي امي خافت يبقى طبعي

فقالت لي يا ابني خلي بالك دايما من كلامك

الكلمة سيف يا تقل منك يا تزيد مقامك

و في يوم رجعت من المدرسة متبهدل من التراب

و سالت ازاي الغدر ممكن ييجي من الصحاب

و حكيت لها الخناقة و سمعتني بكل صبر

و قالت لي لما تهدى ابقى اقرا من اول سطر

كانت كاتبة لي جواب عن الصحاب و الجدعنة

و قالت لي اختار اللي يقول احنا بدل ما يقول انا

و اعرف ان الصحاب لا بالكترة ولا بالعدد

في الشدة هما اتنين تلاتة عليهم تعتمد

في السماء بشوفك لما الدنيا بيا تضيق

و في الليل بحكي لك عن كل قديم و جديد

في غيابك دايما جنبي كلامك محفور في قلبي

رسالتك مش بس كلام رسالتك انسان اكون

و كبرت اكتر و الدنيا كبرت اكتر بيا

و بدات احس جوا مني احساس جديد عليا

وصفتها لامي قلت مشفتش زيها

مش عارف اقولك ايه بس شكلي بحبها

قالت لي احكي لي عنها اكتر قول لي اسمها

مش عارف و ما تضحكيش عليا انتي كمان

متسرع على طول مدلوق من صغري من زمان

فقالت لي اهم حاجة لما تحب لازم تقدر

تعرف قيمة حبيبتك و لاحلامها اياك تكسر

و ما تستعجلش قول الكلمة لما تحسها

و اوعاك تخبي عنها حاجة ديما قول لها

عدت سنين كتير و شوفتي ولاد ولادك

رغم الفراق ما بينا عمر ما عيد ميلادي فاتك

بتجي لي في كل فرحة و بردو لما تضيق عليا

انا مش مصدق اني عمري ما شفتكيش بعنيا

ربي اختارك تكوني جنبه و انا لسة فى اللفة

اكيد مكانك احلى وانا مبسوط لك انتي عارفة

فكتبتي ليا لوحدي يجي الف جواب و قصة

بتحاولي تعوضيني عن اللي فاتني و اللي لسه

بس انتي بتوحشيني بتمنى تكوني قربي

طول عمري بحس بيكي فكان نفسي تحسي حبي

سمعاني اكيد يا امي و اكيد كمان شايفاني

لو مش شايفك بعيني فقلبي شايفك من مكاني

في السماء بشوفك لما الدنيا بيا تضيق

و في الليل بحكي لك عن كل قديم و جديد

في غيابك دايما جنبي كلامك محفور في قلبي