كلمات اغنية اخر سذاجة حكيم

اخر سذاجة حكيم كلمات

انت اللي زيك ماتبانش عليه قسوة قلبه ولا غدر عنيه

انت بارع جدا في دور الحنين انت شاطر جدا قاسي ومش مبين

كل الناس بيقولوا عليك الطيب طيب وانت شر باين

وانا آخر سذاجة سذاجة يعني طيابة تتحط جنب الحيط

الناس في زمانا قالوا الطيب لو في حاله يتقال عليه عبيط

سلمتلك وآمنتلك وحلفت اني ما اخونك

ورضيت معاك ابقي ف هلاك علشان خاطر عيونك

ياريتك لو تفكر في العشرة ويوم تقدر انا حبيتك قد ايه

قلبي بيضحك عليا قال بعد العشرة ديا يطلع مضحوك عليه

دانا آخر سذاجة سذاجة يعني طيابة تتحط جنب الحيط

آخر واحد كنت اتوقع انه يبيع انت

جبت الكره وجبت القسوة منين وامتى

هسيبك للأيام والدينا تجيبك وتوديك

مرة تشيلك مرة تحطك مرة تلعب بيك

وانا عن نفسي هقوم وادعيلك يمكن ربنا يهديك

دانا آخر سذاجة سذاجة يعني طيابة تتحط جنب الحيط

الناس في زمانا قالوا الطيب لو في حاله يتقال عليه عبيط

طيبة قلبي دي هتضيعني وياريت حاسس بيا

لما عشانها انت بتخدعني وتيجي عليا

ياما اديت حب وحنية وعشت معاك بضمير

وانت اناني بتجرح فيا وانا جوايا الخير

دانا ضحيت بحياتي عشانك ردك برضو كبير

دانا آخر سذاجة سذاجة يعني طيابة تتحط جنب الحيط

ياريتني ما حبيت ولا كنت اتبليت مانا طيب