كلمات اغنية اخر نقطة شمس جوني

اخر نقطة شمس جوني كلمات

كنت ميت غصب عني

من تابوتي طلعتلك

قلبى كان رافض يغني

من وراه جيت قولتلك

شمس غير الشمس ديه

بين عيونك متداريه

كل ما القى الليل قصادي

الحيطان بتدوس عليا

نفسى مرة لما انادى

تلمسي بنورك عينيا

تسرقيني من كياني

تخلقيني حد تانى

حد بيعاند ظروفه

بس لو صارحك بخوفه

ضحكتك تقدر تسامحه

حد لما بتندهيله

خطوته بتسبق شفايفك

رغم حزنه و رغم ليله

لسه جوه الحلم شايفك