كلمات اغنية اخويا الصعيدي محمد سلطان

اخويا الصعيدي محمد سلطان كلمات

اخويا الصعيدي

اللي تراب الأرض بيشهد بشهامته وبيحلف بيه

اللي في عز الهيبه والقوه طيبة قلبه تبان في عنيه

راجل جد لوحده يسد في اي مكان بينزل فيه

اسمه لوحده يشرف دوله وكفاية رضي ربنا عليه

اخويا الصعيدي

طيبه وهيبه وايد شغاله

شهم اصيل والجدعنه طبعه

ومالوش في خيانه ولا نداله

وسط النار بيفوت ويعدي

عنده ضمير عمره ما بيصدي

قلبه حديد لو وسط ديابا

مش مغرور ولا انسان مادي

لحمه مر وعظمه ناشف

في الشهامه عمله نادره

سبع وسط الدنيا واقف

دمه حر وطبعه حامي

اسمه غير كل الاسامي

الشجاعه في دمه ماشيه

اللي يقف قدامه يعاني

ابن اصول شهم ويستاهل

لو بكنوز المال يتاقل

عمره ما يجي في يوم علي حد

معروف عنه أنه احسن راجل

كل ديابة الليل بتهابو

كل الناس تعمله حسابه

واسألوا عنه طوب الارض

ارجل واحد وسط صحابه

اول ما طفل بيتولد

بيعلموه الزوق والأدب

وازاي يجيب رزقه الحلال

في اي حاجه بيشتغل

عمره ما قصر في العمل

لو شال حمول قد الجبل

ما يوطي رأسه عشان المال

يتعب يشقي ويجي علي نفسه بس يقولها بلقمه حلال

متربي كده علي الخير والطيبه فيه قوه فارس خيال

صاحبي صعيدي وجده صعيدي أحسن ناس بلد الابطال

واقف جنب الدنيا بحالها مهما تضيق بيه الاحوال

راجل واثق اوي من نفسه عند شجاعه وقلبه حديد

لو في حد جه يوم علي حقه تلقاها نار والعه وبتقيد

لحمه مر وعضمه ناشف

تعرفه في كل المواقف

في الشهامه عمله نادره

سبع وسط الدنيا واقف

دمه حر وطبعه حامي

اسمه غير كل الاسامي

الشجاعه في دمه ماشيه

اللي يقف قدامه يعاني