كلمات اغنية ارجع يا عباس حسين الاكرف

ارجع يا عباس حسين الاكرف كلمات

عـوف النــهـر يـ عــبّـاس

وارجع لشاطـي عـيونـي

خلّـيني لاخــر لنــفـــاس

يمّـك أروّي اجفــونــي

###

لمّن تطـيح / تعصُفني ريــح

وماي الفُرات بطيحتـك يعـرَق جبينــه

بس من هويت / حاير صفـيت..!

وشقد مكان اليَسرة يبـعِـد عن يمينــه ؟!

بادلني لو بس نظرة وانته امقطّع اچفوف

لتقلّي عيني امن السهم ما تقدر تشوف !

راح أنسى قصّة الجـود

أُوعــدني لكــن تعـود

من دونك اشيسوى الماي / إرجع يعبّاس

يا خويـه طِحْـت بيـا حـال ؟!

شلون اوقَـعِـت دون ايديـن ؟!

تتلقى بشنهو لرمـــال ؟!

والسهم ناشب بالعين !

———

شـيـل السِهام / عُود الخيـام

وآناْ اوعِـدَك ما تنظـر چفوفـك بنــاتـي

وآنا اللي ما أحنـي الظهـر .. إلا بصـلاتي

شما "أجمع" أوصالك تقلّي اتركني مطروح

وعمر الحـزن بفراقـك ايناهِـز عمُـر نـوح

يابو الفضـل أريــدك

أجّلها طيحـة إيــدك

عن عيني مـو وكـت تـروح / إرجع يعبّاس

مطـروح وهالرمـل حـار

يا خويـه يچـوي بخـدّك

لا يَمنـه عندك وايسـار

لكـن تتنـفّـس بـعــدك

————-

أصعب شعور / لمّا الغيور

ايضربوها إختـه ويا وسف .. ما بيده حيلـة

أسأل يقـول / اْمن الله القبـول

بس نبلـة عيونـي اشكثر چانت ثقيــلة !

ليش اغرَفِت ماي الشريعة وتالي عفته؟

قوم إشرب وخلّ الطفل ذبلانـة شِفتــه

وش عِذري لو رقـيّـة

عطشانة جـتّ إليّــه

والقُـربـة مليانـة اسهــام / يمّـك يعبّاس

لو طايـح ابليّا ايديــن

بس لا تحـرّك راسـك

خاف السهم يآذي العين

ويقطع يخويَ أنفاسك

————

لا يالحَـنين / ما ظَـل جبـين

غـيّر ملامِحْـك العمَـد .. مو هذا انتـه

جسمك جديـل / كلما أشيـل

جانب.. وقـع جانب وأبد.. ما چني شلتـه

تسمح ليْ بس أترك قميصك يم سُكينة!

بس صعبة لو زينب أقلها : مات أخَينـه

لو شفتـي فضخـة الراس

ما قلـتـي هذا عبّــاس..!

ما ينعرَف.. كلّـه اجروح / وسهام وطعنات

يا زينب القمـر راح

راح اللي تنتظـرينــه

لو شفتـي أي قَد لجراح

تعِـذرينـي وتعِـذرينــه