كلمات اغنية اسكيمو فيروز كراوية

اسكيمو فيروز كراوية كلمات

اسكيمو عيونك يا حبيبي

وانا قلبي اغسطس ولهيبه

صورتك في كلامي وتقليبي

راضية صورتي باللي تجيبه

وانا ياما بحاول وباهاتي

ولا تلفت نظرك حواراتي

ومواني جناني وحالاتي

ولا رعشة قلبي ومكاتيبه

هى ف وادي وانت ف وادي

كان نفسي اكون وش الفنجان

بتبوسه بحب و ع الهادي

كان نفسي ماكونش الولاعة

مفضوحة عيوني ع الاخر

مش واخد بالك منها ازاى

كل ما ترسالك بتسافر

واستنى معاد القطر الجاى

ومحطاتك مالهاش اخر

مفضوحة عيوني ع الاخر

وانا قلبي تذكرة مقطوعة

وجيوبك مليانة تذاكر

وانا نفسي يكونلي جيب فاضي

لو بس اكون وش الفنجان

بتبوسه بحب و ع الهادي

لو بس ماكونش الولاعة

تنساها ف اى مكان عادي

وكفاية الضحكة المكشوفة

والنظرة الحلوة المكسوفة

مش لازم بالصوت المعلن

لو قلبك عايش كازانوفا

بتبوسه بحب و ع الهادي

وياريتني ماكونش الولاعة

تنساها ف اى مكان عادي