كلمات اغنية اسلوب حياة امينة

اسلوب حياة امينة كلمات

يا دنيا ليه العشرة فيكي بقت بتهون

واللي بنحسبه موسى يطلع أوام فرعون

الناس بتاكل جوع مش عيش وملح معاك

والصح بقى ممنوع مبقاش فيه حد ملاك

حالك يا دنيا اتقلب فيكي التراب بقى دهب

وميزانك يا دنيا اختل ومبقاش خلاص موزون

يا دنيا عايزة ايه يادنيا جرى ايه

عمالة ترازي فينا بتهينينا ليه

لا راحة مريحانا ولا ماشية على هوانا

تعبنا من الإهانة آخرتها معاكي ايه

دوسي أكتر واوجعينا زودي الهم اللي فينا

افتري وعدي فوقينا وافرمينا والسلام

الرحمة حلوة بقى اعتقينا، الضرب في الميت حرام

ألف مين يضحك في وشك بس مين قلبه عليك

لما تحتاج حد جنبك مش هيسأل حد فيك

كله واكل حق كله والندالة مكيفاه

والبجاحة والأباحة خلاص بقوا أسلوب حياة