كلمات اغنية اعز مخلوق منصور الوايلي

اعز مخلوق منصور الوايلي كلمات

يا مزبن اشواقي و يا قمة الذوق

عــذبـتـنـي وأحـرقـت زهـرة شـبـابـي

يـا شـهـد يـا سـكـر ويـا عذب منطوق

يـا غـيـث قـلـبي في السنين الجدابي

عـلـيـك يـا ريـم المهاء خصر محزوق

لا سـرت قـدامـي يـضـيق الفضاء بي

تـقـول غـصـن الـبان في ضاح زاروق

تــغــار مــن زيــنــك زهــور الــروابـي

يـشـلـع مـعـالـيـق الـصـدور الـرحـابي

قـوام مـتـنـاسـق رشـيـقـن ومـمشوق

والـصـدر بـسـتـان الـجـناء يوم طابي

الـوجـه مـثـل الشمس والعنق منتوق

ورمـوش عـيـنـك مـثـل حـد الـجنابي

الحاجب أقرن والخشم سيف مفتوق

والــخــد بــاقــة ورد حـلـو الـشـرابـي

والـفـم كـمـثـرى ومـشـمـش وبـرقوق

وبـيـض الـثـنـايـا مثل روس الحرابي

والـشعر ليل أسود على جنب مفروق

والـنـحـر مـثـل الـبـرق بـين السحابي

ضــامــي وأدور مـاي بـيـن الـسـرابـي

مـزجـت حـرف السين مع دم وعروق

بــيـن الـخـلايا فــي ذهـابـي وإيـابـي

عـلـى سـمـاح الروح لي قلب محروق

يــا كـبـر حـبـي لــه وهــو مــا درابــي

يا حب حطيتك على الرأس من فوق

لـعـبـت بـــي يـــا حــب لـعـبة مـبـابي

أمــوت وأحـيـا فـيك يـا أعـز مـخلوق

وأهــيـم فـي ذكـراك وأفـقـد صـوابـي

فـتـحـت لـك قـلـبـي وهو كان مغلوق

وسـلـمـت مـفـتـاحـه وصـكـيـت بابي

غـريـق فـي بحر الهوى ما معي طوق

طوقي يدينك لا أنت تحسب حسابي

يـا بـعـد قـلـبـي لـلهوى شرط وحقوق

أخـذ وعـطـاء لا يـكـون جـوك ضبابي

تـقـدر تـنـسـيـنـي عـنـاء الهم يا شوق

تــقــدر تـسـلـيـنـي وتـكـسـب ثـوابـي

صـدق الـمشاعر بين عاشق ومعشوق

تـفـتـح كـتـابـك لـي وأنـا أفتح كتابي

جـرح الـهـوى مـا لـه عـلاجات ورتوق

تــقــدر تـعـاتـبـني وتــسـمـع عــتـابـي

يـا صـاحـبـي مـا كـل مـطرود ملحوق

لا غــبــت عــنــك بــايـطـول غـيـابـي