كلمات اغنية افراح العصفور مهنا العتيبي

افراح العصفور مهنا العتيبي كلمات

هاجسي يالله تحضر للحروف الابجديه

تب رجل ماتحيزم لانتخا به ولد عمه

خابر انك ماتعذر دايم في جاهزيه

لاطلبتك للمعاني تختم الامر وتتمه

راكب اللي لا زهمته يطوي البيد الفضيه

جيب لكزس ذاخرينه للمواقيف الملمه

لاسرى ماعطله عن وجهته كود المنيه

عادته عند المهمه شيخ دين وفيه ذمه

ياهجوسي سامريني شاعر والجزل ضمه

محفل لعيال عمي جعلها ليلة هنيه

لابة العصفور دايم مجدها من فوق قمه

فعلهم فعل مشرف بالسنين الاوليه

أسسوا صرح يجمل يتعب الذيب ولاشمه

والنعم في احمد العصفور راع الشاذليه

عادة لابوعماد ومن سمع به مايذمه

مجلسه لامن نصيته شفت فيه المقدريه

هيلع والكيف الاشقر كل عصر وفجر همه

بالبداوة والمدينه دايم له نار حيه

طيب والا مقدريه ويش ماسميت سمه

كان قلت الناس أمة احمد العصفور أمة

والله اني لامدحته ششت من قوة حميه

شاعر والغانميه تشتعل في وسط دمه

مرحبا واعداد ماهلت مزون عقربيه

بالنيابه عن هل المحفل وسفر كل كمه

بالرجال اللي تعنوا قابلوهم بالتحيه

من صديق ومن قريب ومن محافلنا تهمه

ليلة لو جيت اوصف عالميه غانميه

حاضر ابها العود الازرق كن جو الحفل غمه

انتشوا للحفل ياربعي نبيها عنصرية

يوم شفت اعيال غانم حضروا من كل يمه

من دعاهم احمد العصفور جو له كالسريه

كنهم سيل هدر مامره بدربه يطمه

حضروا لعيون أحمد صاحب الايد السخيه

من دعاهم استجابوا خلوا اشغال مهمه

باركوا محفل قروم حاضرين بكل هيه

كم عدوا لا لتقوبه وسط كبده مات سمه

الف مبروك يايوسف قلتها من طيب نيه

ولعبادي جيت ابارك قالها له ولد عمه

ياعسى الافراح يالعصفور وياكم مديه

تفتح ابواب السعاده اول الحفل ومتمه

من فرحكم كنكم بالفطر والا بالضحيه

لابة فيكم احميا من ركى للحمل زمه

والله اني لامدحت اترك حدود الجاذبيه

مالتفت للخلف اطالع للغيوم المدلهمه

غانمي لعيال غانم صاغ شيلة عالميه

وانت ياصوت الجزيره نادبينك للمهمه