كلمات اغنية الاصيلة فايز الدوسري

الاصيلة فايز الدوسري كلمات

تعالي ياجمل احلام الحياه وغاية المقصود

على انغام القصيد اللي لحونه تشبه لحونك

ابا افتح لك مساحات الخيال اللي بغير قيود

واسمعك الكلام اللي نبض به قلب مفتونك

اذا كان العمر يبدا مع اول يوم للمولود

انا عمري بدا ليلة عيوني شافت عيونك

عطايا قلبك الطاهر عليه مالهن حدود

وانا اللي مستحيل انسى واعيش العمر من دونك

ودثرتيني بثوب البياض اللي على لونك

ووفيتي في زمن فيه الوفا من حولنا مفقود

وجدتي بالثمار اليانعه من وارف غصونك

وفتحتي لامنياتي كل وجهه بابها موصود

وعلى راحة معاليقي وروحي تسهر جفونك

اصيله ماعشقتي فالحياه الا عريب جدود

ولاخابت بك ظنوني ولاخابت بي ظنونك

وعليك الله وامانه دامني فوق الثرى موجود

اذا شفتي من احداث الزمن مايبعث شجونك

تذري في ذرى الله ثم ذراي عن الليال السود

تراك بسد وجهي لو يطول الوقت ماخونك