كلمات اغنية الاميره فايز الدوسري

الاميره فايز الدوسري كلمات

تحرك الهاجس بعد حزة عصير

ويبين ليل العيد لا جا عصيره

وانا على مركاي ادير التفاكير

ولي هاجسن ماكل معنى يثيره

الا اللزوم اللي مادونه معاذير

ولا وصوف الفارع المستذيره

ياباشة الغيد الزيان الغنادير

يامترفه يافاتنه يا مثيره

وعيد الفرح يادوب جاني بشيره

والعيد فرحه لاكن بطلتك غير

والكل يرقب طلتك يالاميره

وانا على شوفتك اسوق التباشير

يوم انتظر وانا عيوني سهيره

وروحي وقلبي في قدومك جماهير

ومشاعرن في وسط صدري غفيره

لبى العيون اللي تفوق التعابير

عيون حرن والسعد في مطيره

بسهومها تهزم جيوش وطوابير

وترميبها بلا سلاح وذخيره

الناعسات النجل والمستديره

وتقويسة الحاجب كما نص تدوير

ورمشن تفوق فوق غمزة سميره

تكسر قلوب اللي يعشقون تكسير

وكسر الخواطر ماله ايت جبيره

والخشم مثل السيف مافيه تغيير

سيفن يسل ولا رجع في جفيره

والخد مثل الورد والمبسم صغير

وجه القمر ضيه على كل ديره

وشعرن سوات الليل لين الخواصير

تشدني نفخة شذاه وعبيره

والردف راهي ماله ايات تبرير

راهي وضاق من الرهاوه حريره

من الغنج واللين خطواتك تحير

مشي القطاه اللي تمايل مسيره

يامسرفه بالحسن طنخه وتبذير

ولا معك بين العذارا خشيره

لو كان لزين الحقيقي معايير

وعنده بلد واجموع شعبه مغيره

صفو على شانك ورود ومصادير

وصرتي على عرش البلد والسفيره