كلمات اغنية البراق لاح محمد ال دلبج

البراق لاح محمد ال دلبج كلمات

لا مدحت امدح ترا الشي في الذمه

لا تغرر في الردي واحد جاهل

امدح الطيب على علمه وسمه

لا نسف همك على منكب وكاهل

امدح اللي يقنب الذيب لا شمه

ظاري بالمدح وان مدح يستاهل

لا سرا ليل العنا واشرقت شمس الصباح

عقب ما نادى المنادي بـ حيا للفلاح

الندى اللي من يلبيه يلقى كل خير

طاعة الرحمن وارضاه هي سر النجاح

والمعاصي تدخل العبد حومة زمهرير

يالله البسني من الدين والتقوى وشاح

واستعيذك من عذابك ومن بئس المصير

استهاض الهاجس الطرب والبراق لاح

واقبلت لي ندر الابيات درهام ومسير

يا كبارية بيوت القصيد والامتداح

اشمخي للطيبين وهل الاسم الكبير

يافهد فزعاتك اعذب من العد القراح

يا فهد من جاك مهموم عنه الهم راح

يا مغن ابشر بعزك وما تبغى يصير

يا فهد يا راعي الطيب والوضحا الشناح

بنت هرش يندرى به مهوب اية بعير

والله من زين المفرع ومن قو الطفاح

والبدو عنده اسراواتها صبح وعصير

يا ذرانا كل ما قامت تهب الرياح

ويا جملنا كل ما كادنا الحمل العسير

ومانسيت اللي مساعيه دايم في صلاح

سالم ابن جخير زيزومنا السيف الشطير

اصوك مقدام يقدم ليا كثر الصياح

والخطير اليا حظر يركد الوضع الخطير

ابلج ما باح سده لمن السد باح

والعلوم تعود صوبه ليا قر القرير

يا عوال جخير شيخ المراجل والفلاح

شيخنا اللي كاسب الاوله ما له خشير

مجلسه دايم مشرع وفيه البن فاح

للمسير والطراقي وضيفه والقصير

يالمحازم في نهار اللوازم والسلاح

والتواضع واللباقه معا عود وصغير

ياهل المدات لا شحت يدين الشحاح

من عطاكم يرحل الفقر من بيت الفقير

فعلكم يفخر به اقنيبر ويفخر صلاح

فالكمام ويوم كانت عبوس قمطرير

محتمين الطرش جل العشاير وللقاح

بالسيوف اللي تجمل وبالفعل الشهير

يا خوالي مجدكم ما يـبيد و لا يـزاح

ياذرئ الخايف وعونه مزبنة الجوير

يامقابيس الوغآ نسل مخلين المرآح

عاد صكات الليالي رحاها يستدير

لا نوآكم طامع في منامه ماستراح

من فعايل وقعكم ذآ قتيل وذآ كسير

يا خوالي يابني عمي السم الذحاح

وال عرجاء محزم العز لا صاح النذير

كم عقيد شامخ في نهار الكون طاح

حولو به لآبتي وساقو الجمع الغفير

الصناديد الدهايا مروية الرماح

لا حضر يوم تبرا الشوير من الشوير

حن كذا من عهد بقعا نزح ومانزاح

قبل لا تشهد هلال الفطر روضت سدير

معلومات الاغنية

مهداء الى الشيخ

جخير بن نادر بن جخير العرجاني

وأبنائه

كلمات الشاعر

فهد بن سيده العرجاني

اداء المنشدين

عبدالهادي بن اللواء

محمد ال دلبج

مسعود بن شعفول

عبدالله بن سويد