كلمات اغنية البل غلاها حمد الطويل

البل غلاها حمد الطويل كلمات

حمد الطويل وناصر الطويل ????⚡ البل غلاها ???? البرق خطاف البصر ???? فعول ساري ( حصريا ) 2022

ساري فعوله دلته/ على السنع واكبر دليل

كلن على شانه حضر/ ما حسبو لطقوسها

الطيب تلمع سلته / في كف شغموم صقيل

مزروعي فعله فخر / ربعه تطابخ روسها

بالطيب بهر دلته / والبيض من يمناه هيل

فنجالها كله سطر / والكيف هو ناموسها

الطيب قده جبلته / والفعل غاد له عميل

هذي هي الي جلته/ مكرم قصيره والنزيل

والضيف يلقاها سفر/ لاجله تخف نفوسها

فوق المعالي حلته / في العز مابه مستحيل

للطيب ما مثله شهر/ يعطي الرجال دروسها

البل غلاها ولته / ساري يبادلها الجميل

الي لها عنده قدر / مثل النخل بغروسها

لو تكشفون سجلته / عينت له باع طويل

على مدورت النظر / ابن بلوش يروسها

السوق يبري علته / فالمشترا ماله وكيل

غير النظر عنده بصر / يقوسها ويسوسها

فالزين يبرد غلته / باللي لها شكل قليل

فيها الغلا متفلته / بعيونها كنها تخيل

البرق خطاف البصر/ والطيبين عسوسها

جبر العظاء من شلته/ يكودها الخف الثقيل

فجحى من المدور حدر/ على الثقال تدوسها

جرد الرقاب مسلته / ولحييها حد السليل

طفح اللواحي والنظر/ والروس قوس قوسها

تحت الاطيمس فلته/ مهادل مثل الشليل

يلعب بها نود العصر/ كن التغنج هوسها

كل الجمال احتلته / العرض والعضم الطويل

كنها ترفع بالنحر / متنهض نسنوسها

وان قلت ويش اجلته/ قلت المزاين له كفيل

الاوشحه عين النصر/ والفوز هو ناموسها

أمنتجه ومفلته / ما جابها الشي القليل

افنا الرصيد المدخر/ واخلا البنوك فلوسها

تعيش تحت اظلته/ ساري لها ظل ظليل

جواهر مثل الدرر/ والعافيه ملبوسها

مفلا السعاده فلته / في عزبته خير فضيل

كن الاثدا والزهر / متجروش ب عبوسها