كلمات اغنية التبر مسفر السندوانة

التبر مسفر السندوانة كلمات

ياهل الذلايل مرجفات الميادين

توقعوا وقع الذلول الخطيره

اللي بها الميدان يزهي من الزين

سبوق روّح خبرها بكل ديره

سحما وبرها فيه للتّبر تبيين

سعره ولونه والمواطي صغيره

مسحوتة الذرعان عكشا عثانين

ربّي حماها ومن ملكها يجيره

وتنومس اللي له شهامه وغيره

ان وقفن عالخط توزن موازين

وكل يقلط للسبوق المثيره

وصاروا على التحضير مثل المجانين

وغدى لهم وسط الحضيره حشيره

كل واحد يطالع لجذابة العين

هي قدمت للشوط ولا لغيره

للشوط لوّل قدموا خيرة الهين

سرد الغوارب والمراكب قصيره

فزّت ودزّت سلك لستار فالحين

مثل القطا راحن بارضٍ خضيره

ولا الارام ان روّحت مستذيره

نادى المعلق واصبح الراي تخمين

كلٍ يرشح والركايب مغيره

يتهن فيافي مثلما برق زفيّن

وتبعت اثرها واقع اللي مغيره

تقدمن ثنتين مثل القطاتين

عجلات ما خلن وراهن ذخيره

رشح مرشح لوّله دون تامين

ما يدري ان تتبع اثرها خطيره

ذخرهن ابوراشد ليومٍ به تبين

كل سابق ومرغم تعيد الوتيره

ويونا هل القعدان من عقب مرهين

بس المهندس طافهن في مسيره

معلومات الاغنية

كلمات الشاعر / علي بن سالم الكعبي

أداء / مسفر السندوانه