كلمات اغنية الجمال الحقيقي ماجد خضير

الجمال الحقيقي ماجد خضير كلمات

يالله بغيث تسوق النود هماله

يضفي على نجد قاصيها ودانيها

ويسيل واد الرشا من جاله لجاله

حتى عروق العشوب الشهب يحييها

والبل يوسع خواطرها وتبراله

وتزين خطر هل الناقة ويرضيها

وعشاقة البر والمكشات ورجاله

تجهز جيوبها عن بكرة ابيها

يشغل الجيب والديرة يخليها

يحذف شماغه على يمناه وعقاله

ويبعد عن الديرة اللي ساكن فيها

ويقفل الهاتف الجوال وارساله

ويروح في روضة ربي مسويها

يسج فيها القدم ويزين أحواله

ويرتب افكار شعره في مثانيها

ويجر فيها طواريقه ومواله

ويطوح الصوت وبيوته يغنيها

فـ جادل تسلب الألباب مختاله

اللي من زين فيها ما يكفيها

والبطن ضامر تقول الجوع طاويها

والخصر منا ومنا عروة بيالة

والردف حتى العباية ماتغطيها

وان طبت الحفل كل الناس بالصالة

اللي يوقف لها واللي يحييها

هيبة حضور الجمال اللي على حاله

غير الجمال الطبيعي مايجريها