كلمات اغنية الجمال المثير عيضه المنهالي

الجمال المثير عيضه المنهالي كلمات

رحت أنا في جو غايم المسا وقت العصير

السحب فيه إتراكم و النسايم تلفحه

ليتني من قبل أروح في مراحي مستخير

أو حصل لي صدة قبل أشوفه و ألمحه

لي وقع قلبي بحبه مثلما الطير الصغير

لا معه ريش يشله لا و لا فيه أجنحه

فيه من لفتة غزال و فيه من هيبة أمير

و فيه من فتنة شجاع منتصر في المذبحه

سل سيفه من عيونه و أنا فـ إيدي مسبحه

طيش مغرور بجماله في الهوى توه غرير

لو لعب بإحساس قلبي مالي إلا أسمحه

آتودد له و أحاول و آتقرب و أستجير

ياعساه يلين قلبه فالمودة و أربحه

الجمال إلي يشله غالي و قدره كبير

حق ندراه بمشاعر ولا نحاول نجرحه

و انا لي شفت المحاسن و الجمال إلي مثير

تنكسر قوة طموحي و له عيوني تفضحه