كلمات اغنية الحب ابن الحرام ابو الشوق

الحب ابن الحرام ابو الشوق كلمات

الحب ابن الحرام مطلعش معايا ليه تمام

وواخدني في سكة الألم ويقولوا الرك ع النصيب

يا غرام ماتقولي ليه كل اللي نحبه نهون عليه

ياخد قلبي ويتسلى بيه نتعشم فيه ويروح يغيب

آه منها البدايات نسهر نتكلم بالساعات

ونقول ده عوضنا عن اللي فات ونعيش أحلام

وبندي وعود كتير والحب ما بينا يكون كبير

وفي ثانية كل ده يطير أتاريه أوهام

كان أول مرة أحب فعلا وقتها حبيت بجد

وحبيبي كان بيضيع وقت فعلا ده محبنيش

عشنا سوا فيها أحلى الأيام دي حاجات متتنسيش

يا عيني بتبكي ليه إيه يعني حلم حلمت بيه

من بدري كنت عايش ليه ماهو سابني وراح

من طيبتي اديت أمان غرقته ياما اهتمام

وفي الآخر قلبي أنا اللي هان ومالاني جراح

يا قلبي خد بريك وارتاح بقى من اللي بيجرا فيك

فكك من الحب الله يهديك ولا أنت غاوي الألم

لا سؤال ولا جواب اسمك مكتوب ع طول غياب

شكلك كده حابب العذاب ليه متعلمتش من اللي كان

ليه جرحك باشتراك على طول تعبني أنا معاك

فاكر تملي اللي نساك هتموت عليه

دي مجتش من الغريب لكن جات لينا من القريب

كنا بنقول عليه حبيب مطمرش فيه

في ما بينا كان في اتفاق معرفش سبتني ليه

حبيت بس اتنسيت هو اللي بايعني وأنا اشتريت

وفي نظري خلاص ما أنا انتهيت وأنا كان بإيدي إيه

حبيتو محبنيش وف قلبه مكان ليا مفيش

من غيره بس ازاي أعيش معقولة خلاص الحب ضاع

آه من جرح الهوى ده مالوش علاج ولا دواء

كل ده يحصل لي أنا مبقتش حمل أنا أوجاع

هعتبرو خلاص مجاش أيام في حياتي معشتهاش

ممكن بعديها هيجي ناس ويداووا جراح

وما دام عايز يسيب أنا عنه هكون خلاص بعيد

أعتبره عادي واحد غريب يا قلبي ده راح