كلمات اغنية الحدث هام اسعد البطحري

الحدث هام اسعد البطحري كلمات

اليـوم هـذا غيـر عـن كــل ليــام

والشعر يزهى لا تحقق مرامه

مـزنه تسوق الغيـث وتهـل بـرثام

ويسقي مرابيع الفيافي رثامه

لان الحدث به هام وعريسنا هام

محمد الي في المعالي مقامه

مبروك مانحصيه في عد لرقام

والله يتمم لك بخير وسلامه

ونعدها لك خص طيب وكرامه

واخوك كساب الثناء درع وحزام

ماخاب من هو لشدايد حزامه

حمد وريث المجد م راس عزام

بالطيب والحكمه وعزم وشهامه

وابو محمد شيخ وافي ومقدام

بتار في يوم التلاقي حسامه

سالم بن الدوله على عز ومقام

شيخ يبرهن بالفعايل كلامه

فيه الكرامه دم وان قال قـدام

يفرض على بنك المكارم نظامه

واليوم يفطر في مقامك صيامه

لانه مقامك غير من نسل لكرام

م صلب غواص الكرم والزعامه

وانعم قبيله مقصد الكل منظام

للمجد ساس وهم سناه وسنامه

يابو محمد والشعر جاك بلهام

م شاعر هامه وف الشعر هامه

فوعه تزاغي به مراويح لنسام

باول حروف القاف واخر ختامه