كلمات اغنية الدموع الغزيره فايز الدوسري

الدموع الغزيره فايز الدوسري كلمات

مل قلبن تقول منزلن في سعيره

تصتفقها الهبايب من جميع النواحي

بينه للعرب لوهي مسافة مسيره

ضوها يفلق اعتوم الدجا بضحاحي

ول ياضيقتن بصدر دايم تديره

تزبنه في المسا وتطاوله لصباحي

لقبل لليل جاته مثل خيل المغيره

ولا لجتبه تقول اطعنه برماحي

كل ماوقف شويه تعثر وطاحي

كلها سبت الي كن عينه ذخيره

يوم لد النظر فيه رماني وراحي

كل ماقلت ابدور مع البيض غيره

مالقيت الوصوف لي صطن بالجراحي

يابو اخدود بيضن صاطعه مستديره

كنها وصف جلاي الدجا لستباحي

وعين شيهانتن تسكن بعال الوعيره

وعنق ريمن امشرد برمي والصياحي

ارحم الي على شانك دموعه غزيره

كنها دموع من يضرب بحدب السلاحي

كل نسمه ترف القلب رف الجناحي

نعنبوا الحب يالجواد شره وخيره

صاحبه لو بداله صحو مهوب صاحي

وعذابي منه والله ذقت المريره

كان قفى وخلاني ضبي البراحي

خاطري لو تضايق لاتبيح السريره

اكتم السر لو يعرض عليك السماحي