كلمات اغنية الذيابه تعاوى جفران بن هضبان

الذيابه تعاوى جفران بن هضبان كلمات

من يحترم كلمته مايمدح الا مديح

واليا صدق مع ضميره مايفكر فـ احد

مافيه شي يدوم الا الكلام الصحيح

مايقدر احد يحط السبت يوم الاحد

والشعر والا الكلام أصلا مليحه مليح

راعيه عنده ثقه لوكان مايجتهد

والله عطاني مع الحكمه لسان فصيح

مالي عن الكفو عذر وعنه مالي مصد

اراقب الله ووردها وانا اخو حمد

ياحي مقحم وحي الفرصه اللي تتيح

للشاعر اللي يسما شاعر معتمد

سمعتك يامقحم الوهاب كون فسيح

للمرجله والفعول اللي تجمل بلد

اسمك وفعلك فخر والوجه وجه فليح

زدت الفعول القديمه بالفعول الجدد

ياعيال مقحم بيوت المرجله ماتطيح

والعود جود ابناها واستلمها الولد

وانتوا اثنين استلمتوها بفعل وضيح

ياعبدالإه ياماجد وجيه السعد

اتحوم حومة صقر وتهد هدات اسد

واخوك نعم الاخو طاريه عنبر وشيح

هذا حزام السعد ماهو مكمل عدد

من لا مدح مثلكم ياهل الوفا يستريح

ماهوب لازم يقال افلان قال وقصد

تستاهلون الثناء يا هل المقام الصريح

والله وسبع امية الف ونعم ولا تسد

يوم ان شبه الجزيره بين ذبح وذبيح

توارثة عزوة الوهاب مجد خلد

عزوة دماسين لاقام المصيح يصيح

خيالهم لا امتلا حوض المنايا ورد

يوم ان للخيل كزه فالحروب وفحيح

اعتيبه اعتيبه الهيلا جيوش وعتد

تملك معا لطمة العيال هبات ريح

المجد بيت اعتيبه له ركون وعمد

برقا وروق الدهاه اسدودهم ماتبيح

إجبال في وقتنا الحاضر وقبل وبعد

يوم الذيابه تعاوى والركايب طفيح

والحق حق القوي والرمي رمي الركد

من سلم من بطشهم يسلم سلامة جريح

يبطي وجرحه معه ويعيش عيشة نكد