كلمات اغنية الراجل ده هيجنني صباح وفؤاد المهندس

الراجل ده هيجنني صباح كلمات

الراجل دا هيجنني هيجنني

طير مفاتيح عقلي مني هيجنني

ييجي رمضان وخناقه يزيد عايز طباخه سكه حديد

اللحمه 3 أشكال و طيور بجنيه و ريال

ويوماتي رز ومكرونه و كنافه باللوز وعلب تونه

غير السلطات و المحشيات و المشويات والحلويات

و بلاش بعزقه و بلاش تبذير و بلاش تبذير

يصرخ و يقول

ياخواتي صايم و راجل شقيان

و مراتي عايزه تجوعني حتى فى رمضان

دي مصيبه إيه دي

يا عالم فهموه رمضان ماعمروش قال كده

رمضان قال إحمدوه والحمد مش بالشكل ده

الراجل دا هيجنني هيجنني هيجنني

و يخش المطبخ و يقوم زعابيب امشير

عاملين لنا وزه بالخلطه و بفتيك و صينية مكرونه بس

وخضار صنفين و كباب حله و ضلمه باللحمه المفرومه بس

طب فين اللحمه المشويه و الفته فين و التقليه

والسمك البوري اللى أنا جايبه راح فين و الشوربه فين هى

وإن قلت ياخويا الأكل كتير الاكل كتير

وبلاش بعزقه و بلاش تبذير و بلاش تبذير

يصرخ و يقول

ياخواتي صايم و راجل شقيان

و مراتي عايزه تجوعني حتى فى رمضان

دي مصيبه إيه دي

يا عالم فهموه رمضان ماعمروش قال كده

رمضان قال إحمدوه و الحمد مش بالشكل ده

الراجل دا هيجنني هيجنني هيجنني

ونرص الأكل على السفره أشكال و الوان

و الفول ابو زيت اصلي بحبه فى فطور رمضان

يسيب الأكل كله و يمسك طبق الفول

ولقمه تجر لقمه يشبع و يقوم على طول

والأكل بحاله ينشال و الحال تاني يوم هو الحال

وإن قلت ياخويا الأكل كتير الاكل كتير

وبلاش بعزقه و بلاش تبذير و بلاش تبذير

يصرخ و يقول

ياخواتي صايم و راجل شقيان

و مراتي عايزه تجوعني حتى فى رمضان

تعالي لي يا ما

يا عالم فهموه رمضان ما عمروش قال كده

رمضان قال إحمدوه والحمد مش بالشكل ده

الراجل دا هيجنني هيجنني هيجنني هيجنني