كلمات اغنية الراس الاصوك خالد ال بريك وناصر الثبيتي

الراس الاصوك خالد ال بريك كلمات

وشلون اهجر القريحة في نهار رمضان

وادور الاجر واطلب ربي المغفره

عبد يلوذ بك وانت الواحد المستعان

يرجيك عون على الدنيا وبالاخره

باع الحياه وشرا الطاعه وشاف الامان

بعد ماكانت جميع اوراقه مبعثره

جميع الاصوات ماتشبه لصوت الاذان

لا عم فالارض صارت كنها المسطره

غار حمى خاتم الرسل و وطاه اثره

عساي ما اسوق وجهي للردي والجبان

ماء وجهي اغلى عليه من كنوز انقره

قصيدتي بنت شيخ طرقها دوب زان

تدور الراس الاصوك يا عيال المره

شامت لعبدالعزيز الصيرمي والحصان

العازمي سيفي اللي للزوم اذخره

ياللي تجيب اللكازس وارده من عمان

زبونها عازمي مايكف امطره

عنه البخل بعد ضلع ابها لضلع اثهلان

ومنه الكرم قرب ازرة ثوبه لخنصره

وان خالفت باعها بريال زود انعره

على صغر سنه الا انه عدو الهوان

مافيه درب عسير الا يبوج اخطررره

مايعرف الذل ولا الضعف لو ويش كان

والله لو الدرب ياقف به على المقبره

يا ذخر حمدان مانتب ضارين بالطمان

والمجد يانسل ابن مدهوس سقت امهره

ذخاير اللي لهم فالطيب سيره وشان

الاد عاصي ركون الطيب والمفخره

يومنها بالسيوف الحدب والجبخان

سيلن ما والله تلقى من يقف بانحره

على ظهور المهاار المسرجه والحصان

في نجد الانجد لهم فعل ولهم سيطره

هم ستر غض النهود و قدها الخيزران

ماينكشف سترها ان جا للخيول اغبره

ترعا تحت ضفهم وضح البكار الزيان

مافيه قفر ماهي تقطف نبات ازهره

وسوم اهلها الشهيره هيبة وعنفوان

والله مايوخذ من القنطوش وزن اشعره

هذا الكلام الصحيح المعتبر فالبيان

تاريخ يموت راعي الزور ماينكره

قدمت لك درتن ترتيبها فالثمان

معلقات بريح الكادي معطره

عيديتن قدموها الك الثنين الاخوان

ناصر ومحسن ومعهم شكر والمعذره