كلمات اغنية الرصاص يثور فهد بن فصلا

الرصاص يثور فهد بن فصلا كلمات

من مشرق الكون الفسيح لغربه

لا غيبت شمس النهار اشرقنا

واللي يحس ان الليالي غربه

لو يرهقه جور الزمن مارهقنا

كل التعب في الطيب مانشعربه

حنا مثل مانعشه يعشقنا

نظراتنا صوب الفعول الذربه

والله على العلم العلا وفقنا

وتدنق الشمخ ولا دنقنا

لنا على العد الرهاوي شربه

وان هاج موج البحر مايغرقنا

واهل الوفا اللي فعلها تذكربه

لا سابقونا ماحد يسبقنا

من يومها خيل وعمود وكربه

لو مانشم الموت ماروقنا

نشق بطن الخصم شق القربه

لا هازنا ولا نوى يقلقنا

جمع المنيدي اللي من اول ضربه

نقضي على الاخصام وتفارقنا

ونشيل عنه الموت في عاتقنا

علي الطلاق ان السعد يبشر به

من ينتخي فينا ومن صادقنا

وترحيبنا بضيوفنا نجهربه

وادنات ماضايقهم يضايقنا

المال لاجا ضيفنا ننذر به

والله ماحاسبنا ولا دققنا

نطير به من فرحه وونفر به

وقبل يحلف من واجبه طلقنا

نفرش له الشيراز فوق التربه

ونحط قدره زي قدر اطلقنا

في ظل شيخ كل مايامر به

مافيه راي قدمه وهقنا

عبدالله ابن شفلوت وانا اخبر به

طيبه مع كل العرب طوقنا

اليا تقدم وخروا من دربه

ويضيع لامنه نطق منطقنا

شيخ على الطاله يقود السربه

من طيب فعله فالفضا حلقنا

راعي شداد لابته تفخر به

غصب على اللي وده يفرقنا

خذاه ورث جدود يوم الكربه

ماهو بفزعه واحد مصمقنا

وحدودنا لولاه راحت شربه

يوم الرصاص يثور من بندقنا

رسم مع ابن دليم عز وعربه

اخر حدود ديارنا وطرقنا

تشهد بني طلق العصاه الذربه

لو ماحن بحاجة حد يصدقنا

الناس تلعب باصره منطربه

وهو على على القمه رفع بيرقنا

ابوه عدوانه بغت تغدر به

باقي لهم ثار قديم ومقنا

وقالت وهي من بندقه منهربه

الله هو اللي فكنا واعتقنا

واخواله ال جلاله اهل الحربه

تاريخهم في الحرب مايشرقنا

نصهل به ونحماه ونذكر به

ماهو بفعل عبرته تخنقنا

والعالم الشكاكه المضطربه

الشك يلحقهم ولا يلحقنا

والمدح يزهى مشعل ويثمر به

لو نمدحه للصبح ماغلقنا

فزعة خوي وقته مهستر به

ولا رفيق وجعته تحرقنا

والمال ماخشه ولا تاجر به

رزقه رب بالكرم رازقنا

جسر على بحر الوفا نعبر به

وحزامنا كان الزمن صلفقنا

هذي الحقيقه يالنوايا الخربه

لنفوسنا بالكذب ماسوقنا

اللاش ولا الطيب نشهربه

والله ماجاملنا ولا نافقنا