كلمات اغنية الرفاقة رفيقي جوي من جوه انس ابو خماش

الرفاقة رفيقي جوي من جوه انس ابو خماش كلمات

مجرودة الترابين

الرفاقة

اهداء الى يوسف ابو عنيزان و محمد ابو منصور الترباني

انس ابو خماش

نبداهي باسم الكريم يالي بكل شي عليم

وعلى العلم القديم نطرب لسرد القيفان

المدح لهل الركايب لزلم رفاق وحبايب

من راس شايش وطايب من المعاني رويان

عالغانمه دوم مقدور والي يعرفه كسبان

ويوسف ابو سليمان يشهد عليه الزمان

والقمه لطاريه مكان الوافي ابو سليمان

وعلى طاري الخوه رفيقي جوي من جوه

والمخطي بنغيب ضوه والي يعادينا خسران

ويوسف ابو سليماني راعي الربع اليباني

ممشاه عدرب الكتباني وهذي درب المعان

يومنه بيمسكه الدرب ما يعرف ضيقه وكرب

ياخدهي شرق مع غرب دوم كسبان الرهان

ابو منصور الفهمان رفيقه ابو سليمان

ترابين نسل الشجعان رفقهم عمره ما هان

ولا عليهن خرافي يقناهن غير الشيهان

ابو عنيزان المخبور ورفيقه ابو منصور

محمد ويوسف صقور مسكنهم فوق الكتبان

ماحد بيعيب رفقهم يا ويله الي يقربهم

بالبزر يفدو عربهم ويموتو دون الاوطان

ترابين يا عصابه راسي عزوتي وهلي وناسي

يا سيطنا يرعب الخاسي وتهابه كل العربان

عالرفق ما نحمل جور ولا بنعرف القصور

وفعلنا له الدوور يشهد عليه الميدان

نختمهي بوالي العباد صلو عالني يا اجواد

شيفعنا يوم الميعاد وبذكره ختم البيان