كلمات اغنية الزمن ومواجعه زايد بن سابر

الزمن ومواجعه زايد بن سابر كلمات

اي والله بدمعك خفوقي قد دميت

واي والله ان صوتك خفوقي قاطعه

ياخوك فاهم مقصدك لو ماحكيت

تشكي من الفرقا وهموم الواقعه

عبرات زايد واضحه في كل بيت

وعوج المحاني ضايقه بموادعه

قبلك انا مثلك ف هالدنيا عنيت

فيها الحزن اشر علي باصابعه

اول همومي بوالديني انكويت

تحت اللحد صارو بقبور واجعه

وباقرب هلي مني وفيني اهتويت

غطى على همومي وحزن الفاجعه

القا العوض في خلي اللي طامعه

من ريحة امي خذت طعنات وسريت

وخذته عن عيوني و شوفي تابعه

قفيت صوب قبورهم رحت وشكيت

وعود صدا صوتي ولحد سامعه

دنياك هذي فانيه ومنها اكتفيت

فيها الشقا وفينا بلاها دافعه

اصبر مثل مانا على صبري قويت

والصابر الله يعوضه وهو يسمعه

كتمان مفارق والدينه مستميت

وكتمان خله مفارقه ولا وادعه

ماقول غير الله يرحم كل ميت

واللي رحل ماقول غير الله معه

سبقت بيوت العابسي ومثله نويت

اكتب قصيدي بالزمن ومواجعه