كلمات اغنية الشتا مي فاروق

الشتا مي فاروق كلمات

ورجعنا تاني للشتا و لذكرياتنا

ورجع الحنين.. رجع السهر

ورجعنا نسرح في الصور

ورجع يمر قصاد عنينا شريط حياتنا

ورجعنا تاني.. للأغاني.. ومج شاي.. فيه الدفى

و المشي أوقات المطر.. و الضحك أوقات الصفا

ورجعنا بنتخايل بناس.. مابقوش معانا من الاساس

رجعنا للوقت اللي فيه كل الساعات متوقفة

مش بس وقت من السنة نتدارى فيه جوه البيوت

ده لقا وفراق.. وجع و اشتياق.. وعتاب و لوم مالهمش صوت

مع كل ايد بتدفي ايد.. ايد سايبة ايد

مع كل نقطة من المطر .. اعجاب جديد

مع كل فنجان قهوة ريحة عمر فات

مع كل غنوة في بالنا تصحي الذكريات