كلمات اغنية الشهامه مسفر السندوانة

الشهامه مسفر السندوانة كلمات

عقب الظهر من قبل لعصير

يوم رووووحن بين الصلاتين

ف شوط المحليات لخطير

مطاحهن ف العرق تهجين

مثل الظبى يلي مذايير

سبق نعم من نقوة الهين

في وضع ما يقبل معاذيير

والكاس دونه جرعة البين

هيض خفوقي وشوق العين

يلي ركضها ووشكلها غير

نادر سبوق ولا بها شين

قصدي الشهامه ف المضامير

فارق ومعها زود تمكين

عند التنافس مخدر الطير

الزود فيه بحرر قزوين

اوحى من البراق ف السير

لي عزمها ع الضغط ما يلين

ناقة نعم زبن المخاسير

ونعم له تثنى ملاين

سعيد جابر منبع لخير

عريب ساس وطلق لي يمين

اكرم من السحب لمزابير

و ف الركض نجم ودايم يلين

يشري ويفنيها الدنانير

يشري النوادر لي مثامين

لانه ف رأسه زود تأثير

ع السبق لو يرضف الدين

يعله ف خير ودايم بخير

وعساه عمره طايل سنين

ولا المضمر فاهم خبير

عامر نعم نسل الكريمين

ف الضمر عنده زود تطوير

خبرة سنين وزايد يقين