كلمات اغنية العب وانا رايق بالي جفران بن هضبان

العب وانا رايق بالي جفران بن هضبان كلمات

ابتدي باسم الله الخالق الوالي

واحد ما غيره احد نلبي له

ارتجي رحمته في يوم الاهوالي

يوم فيه المرء يحسب محاصيله

بعدها بـ ألعب وانا رايق بالي

وكل حلم صعب با آجيب تأويله

فكرة من منجم الفكر تطرا لي

منجم افكاري تساما تماثيله

طاغي الهاجوس تدبك وتومي له

من سطر راسي سرا ليلي لحالي

شايش وابيات شعري تلبي له

دون ربعي ما اذخر الحال والمالي

أدرك الصعبه ولي قوه وحيله

باسم ربع ف الوغى تحمي التالي

يوم كل نجدته سيفه وخيله

لاد ابن مشعل هل المجد بإجلالي

لابة ما تعرف الغدر والغيله

دون حسكات الوبر نرخص الحالي

نردع العدوان والموت نشفي له

في نهار فيه صيحه وتهليله

ريف ضيف وجار ونزبن الجالي

والدريك اللي شكى من غرابيله

مرحبا والضيف في سلمنا غالي

عد ما هل المطر من مخاييله

مرحبا من عقبها طيب ودلالي

في محل سمعة أبواني تشيله

ال عايض بن فرج عوق من عالي

وظلهم من لاعه الوقت ياوي له

في حفل من عادته طيب الافعالي

عايض اللي سيرته سابقه جيله

لابلج اللي للنواميس خيالي

كم صبي عجز ياصل مواصيله

واذكر اللي سيرته مضرب امثالي

ايه ابوي وذكره يزيد تبجيله

سيفنا الصارم وللخصم سلالي

يردع الطاغي وينقض دهاويله

يعتزي ويعدل الميل لا مالي

ما يقول العلم لا بد تاجيله

في لزوم اخوي عايض تسنا لي

القصيد الجزل باعذب مواويله

يا الاذاعات انقلي عبر الارسالي

ندر أبياتي وعلمي وتفصيله