كلمات اغنية العربجية سيد درويش

العربجية سيد درويش كلمات

مين زينا احنا العربجية ياهوه مين

بنشوف غلب وتلطيم عقبى للايمين

كل الناس في إشغالها ياافندي رايحين جايين

الا احنا نفضل بالعشر ساعات قاعدين

الله يكفيكوا ياهوه شر القعدة اللى بنقعدها مصلوبين

طول النهار انا والجدع ده

على أى شىء يرازونا يخالفونا ويلعنوا ابونا

أهي حالة يعلم بها سيدك تشكي لمين شيء مش حايفيدك

طول ما سرعك يااسطى فى ايدك اوعى تصدق اننا نتهان

لازمة

اكلنا احنا والبهايم يااسطى زاد الطاق اثنين

نعيش ازاى ياناس يااخواننا العدل فين

ياهوه ورانا عيال غلابة ياكلوا منين

لامتى نفضل ساكتين كده جاتنا البين

والله اعتصاماتهم بتنفعنا

الله يكون فى عوننا ياما بنقاسي مع زبوننا

يجي الزبون ده يركب زي اللى بيلعب عنكب

يحط رجله فى خربتنا وإن قلنا له حاجة يخرب بيتنا

يفضل كده يهري فى جتتنا قال ده مزاج البيه أحيه

لازمة

لكن ارجع برضه اقول لك يااسطى طبقتنا احنا دون

مين زينا ياناس نردح لاحسن زبون

نفضل ساكتين عليه لحد مانوصله البيت

وإن قصر فى الاجرة نخلي لك ليلته زيت

نقعد نعمل له يابيه قدام الجيران هليلة

ونقول عليه كان راكب وياه مزمازيله

واحنا كمان ياما بنقاسي من زبايننا الهلاسي

يجي الزبون بنتاية ويروح راكب ويانا

نبقى سايقين على عمانا والكبوت مرفوع آه يانا

مش عارفين ايه بيجري ورانا العربجي ليه ماتتوبش عليه