كلمات اغنية الغييثي ينطح الغارات شبل الدواسر

الغييثي ينطح الغارات شبل الدواسر كلمات

قال من يبني بيوت الشعر هاوي

كل طرق يناسب لذوقه وجوه

شاعر يارد على العد الرهاوي

وللمعالي والفخر تشتب ضوه

ان تقدم وان قصد ماهوب خاوي

جاب له دره تزيد الشعر قوه

مرحبا باللي لفا وحث الخطاوي

عد همال المطر لانهل نوه

مرحبا باسمي وباسم اهل العزاوي

لاد نابت مجدها ماهوب توه

لازهمني القرم والحر النداوي

قلت ابشر شاعرك شاعر مفوه

يالساني رو راعي الذوق روه

يحبك الطاروق من قاف غلاوي

يطرب الحضار ويزيد الحموه

العب العب دام لك عز وعزاوي

وافخر افخر والفخر حنا سموه

أيه حنا لابدا في الوقت لاوي

مجدنا في العز مايقصر علوه

دون حد الدار كم ننطح بلاوي

وكم عقيد يعود من داري متوه

قد حمينا حدها والذيب عاوي

ديرة الخرفة لها رجال المروه

الفقير بضفنا يرجع غناوي

بين طيب وبين عز وبين خوه

الغييثي بالفخر نجمه سماوي

ينطح الغارات من عزم وجروه

انشد انشد كل قصاد وراوي

مجدنا فالوقت ماجا من منوه

مزبنه من قبل تاريخ النبوه

عزنا ماهوب من ضحك وحكاوي

وماكسبنا صيتنا بليت ولوه