كلمات اغنية الكبود الباردة حاكم الشيباني

الكبود الباردة حاكم الشيباني كلمات

على الله والقصيد اللي يرد الناحل المياد

تسريه الهبايب من فمي وتغني طروقه

عسى داره ومفلى فاطره للرايح الرعاد

إلين الريح تثني خاطره وتشد معلوقه

على كثر المرابي والقراح العذب والميراد

مايشعى نوقي الا المارد اللي تارده نوقه

أنا أول من وقف يوم الركايب مالها رداد

وأنا آخر من جلس يوم العباد تشيل طاروقه

على قلب يشوف العافية في شوف معشوقه

تعلقه الظنون السارية والشك والمرقاد

وتغريه العيون الناعسة ويموت من شوقه

أقوله فالحجر ويصير كبر العارض المنقاد

وأقوله فالكبود البارده وتصير محروقه

لو انه ضاع قلبي بين طيات الشعر وش عاد

لا زلت العاقل اللي ما أختلف عقله ومنطوقه

حبيبي جعل باقي للسنين الماضية معواد

لو انها فكرة في حاضرك ماهيب مطروقه

إذا انه يزعجك بيت القصيد الدارج المعتاد

أنا أكثر من يشوف إن الشعر حق من حقوقه

كثر ماكانت أصوات الرجاء باليأس مخنوقه

خذ اللي ودك انك تاخذه وأنا على إستعداد

أجيب الضحكة اللي من يدين الحزن مسروقه