كلمات اغنية اللزوم الاضطراري خالد ال بريك

اللزوم الاضطراري خالد ال بريك كلمات

الليل ساري والهبايب عواصيف

وانا مع الهاجوس والليل ساري

املو وجار النار وارهولي الكيف

واسروا وخلوني على جال ناري

ماهيب لحية مزح ولا سواليف

طاري علي من الطواري طواري

لو الليالي السود تمشي على الكيف

ماشفتني عند اللزوم انتحاري

لو بتعذر مايجوز اعتذاري

اسم يشرف ماقف الربع تشريف

يحسب حسابه بين كاتب وقاري

يبو محمد مكرم الجار والضيف

رحب على عادتك والكل داري

منك النبا الطيب ومنك التكاليف

قول وفعل ماهو مجرد عواري

اهل الوفا جولك جموع مراديف

وربعك بطيبك يالمقاطي تماري

ربع ليا ضاقت عليك المحاريف

ابشربهم لاجاء اللزوم اضطراري

قبل الامان وقبل الامر الوزاري

يفرح بنا اللي حاصله له تخاليف

ليا جاء لسوق الموت بايع وشاري

نخلي ظهور مضمرات السراجيف

ونملاء بطون مهوجلات الضواري

بفعولنا نعرف مانحتاج تعريف

الاد الكريزي يوم تجري الجواري