كلمات اغنية المجد المشرف فايز الدوسري

المجد المشرف فايز الدوسري كلمات

هل شهر الخير والشاعر يقلل في كلامه

وده يقول القصيد ونوب ماوده يقوله

يجتهد فالصوم من شان الولي يقبل صيامه

لاغرابه مسلم يدور من المولى قبوله

من بعد شهر الصيام العيد فرحة وبتسامه

عيد المسلم بعد صومه على سنة رسوله

يلبس الثوب الجديد ويكشخ بلبس العمامه

بعد حل العيد يفرح كل مسلم في حلوله

واصلتهم تهنيتنا فالوطن عرضه وطوله

وعاد عيد القايد اللي زاد قدره وحترامه

ساس جود وفي سما الامجاد له صوله وجوله

خالد ابن محمد اللي هامته عن كل هامه

الفريق اللي على الطالات تشهدله فعوله

علق الرتبه على متنه وباشر في دوامه

يستحق التهنيه عاش البطل رمز البطوله

افرحي يالعاصمه في قايدن كله زعامه

ينهمر طيبه سوات الغيث لاهلت ثعوله

الذويبي سمعته بالطيب لايوم القيامه

قبل لاتشهد له افعاله هل الطيب اشهدوله

ازهم اللي لا نخيته في طلب جمل مقامه

واترك اللي لانخيته مايقلنه رجوله

الشجيع اللي عن الميقاف ما تبرد عظامه

و الذليل اللي عن الميقاف تبرك به ذلوله

امدح اللي فيه خير ولايجي حولي ملامه

مثل خالد وافي المكيال عنوان الرجوله

خالد المجد المشرف كاسبن ذروة سنامه

فالصدارة موقعه والمركز الاول ينوله

الامور الكايدة يبذل لها كل اهتمامه

سنده للصعب ابو سلطان ويدبر حلوله

راعي الفزعات دايم حظ من حطه حزامه

الكرم يجري ف دمه والرداء ماهو بحوله

منهجه واضح ولايمكن غير في نظامه

بالشجاعة والحمية للعلا مسرج خيوله

من صغر سنه على درب الوفاء والاستقامه

ذخر شايب حنكه للعلم من سن الطفوله

من سلايل حرب ميراث الانافه والفخامه

حرب اهل تاريخ كاسيه الفخر وابناء حموله

المواقيف العظيمه والاصاله والشهامه

الحروب اهل المواقف سادة المجد وزحوله

نعم ياحرب الدول ي هل المروه والكرامه

انتم ارجال العلوم الغانمه ورجال دوله

وافتخر وانا من اهل النخوه اشيوخ الجهامه

من مطير اللي يحسمون المعارك بالسهوله

فعل حمران النظر يبقى على الدنيا علامه

قالها نافع عويض علما يقوله يطوله