كلمات اغنية المطر بالشام كارمن توكمه جي

المطر بالشام كارمن توكمه جي كلمات

لاقيني بمكان نفس المكان

بالحارة جنب العرباية العتيقة

لاقيني بمكان نفس المكان

بلا ما تشوفك جارتنا ل ما منطيقا

ولا تنسى بوقت الشتوية تلبس شي أربع طبقات

من هلأ عم قلك بدفى بجاكيتك بالذات

بعرف أنو كبير عليي بأكثر من خمس قياسات

بس لما بيغمرني بحس بحنية المطر بالشام

لاقيني بمكان

لاقيني بسوق الشعلان وبالمزة جنب الكلية

مناخد عطر من الحريقة ومنمرق عالبزورية

والخلفية كلا أسامي الناس عالحيط محفورة

لاقيني عدرج الغساني بيوم الجمعة العظيمة

والتراتيل بالقصاع صوتا للشام القديمة

لاقيني بأي مكان بعد اللعبة عباب النادي

مناكل فول بالطريق من البياع لي عم ينادي

تحت المطر بالشام

لاقيني بمكان نفس المكان

بالساحة عالمفرق جنب الكازية

لاقيني بمكان نفس المكان

منقعد بالسيارة منسمع هالغنية

يلي كتبتا لأني بحبك وبحب صوتك لما تغني

وبحب كيف بشتقلك لما لحظة تبعد عني

لما تشربني قبلك وبتتركلي آخر لقمة

ونكتك المنعادة ولما بتعلق عالكلام

لاقيني بمكان

لاقيني بالشام