كلمات اغنية المفروض ليل المحمدي

المفروض ليل المحمدي كلمات

المفروض افرح الفتره دي ب شبابي

ليه جايلي بدري اوي كده يا اكتئابي

مطحون ف شغلي وحتي مش بشوف صحابي

برضه صحابي مسالوش عني في غيابي

طب بجد الطريق ده اخره فين

قالو تشتغل تجمع مليمين

واديني شغال بس عشان اسد دين

حاسسني مربوط في ساقية وسجين

ايام من عمري بسرعه تفوت

من كتر الهم أنا شكلي هموت

أنا نفسي افرحلي بجد يومين

معرفتش أحقق أحلامي

واللي اتمنيته ضاع قدامي

مقدرتش اقول كل كلامي

ما أنا هحكي لمين دول مش فاهمين

رضيت بالهم ومكانش بيا راضي

اتداس عليا م الحياه وقولت عادي

كل حاجه بنيتها اتهدت قصادي

كنت غلطان م البدايه ف حساباتي

كل ما امشي في اتجاه بيبقي عكسي

الحياة ناوية تخليني مريض نفسي

اه خسرت كل حاجه حتي نفسي

خايف ابقي في النهاية دوري منسي

من كتر الهم أنا شكلي هموت

علي طول مهموم علي طول مضغوط

أنا نفسي افرحلي بجد يومين

معرفتش أحقق أحلامي

واللي اتمنيته ضاع قدامي

مقدرتش اقول كل كلامي

ما أنا هحكي لمين دول مش فاهمين