كلمات اغنية النصيب زياد الدساس وشروق

النصيب زياد الدساس كلمات

بعدك اثر بالسلب

مبقتش قادره اني افرح طول الوقت واخده جمب

ازاي محبتنيش هو انا مستاهلش اتحب

ولا السبب ان انت اناني و معندكش قلب

انا مش اناني سيبتك عشانك مش عشاني

انا شخص فاشل متحبش ولا واحده تتمناني

كل الناس بتنجح و انا ثابت هنا في مكاني

انا مفضليش حبايب اللي فضلي بس احزاني

انا جمبك مش عايزك استاهلك مش هستاهلك

مش هنفعلك بس مش هحب قدك

ولا شقة ولا شبكة ولا مهر طب اقول ايه لـ اهلك

مكنتش عايزه غيرك انا من الدنيا اتمنيتك

انا كنت ضايعه قبلك و لقيت نفسي لما لقيتك

و انا كنت قريب ليكي بس خلاص انا هبقى غريب

هاجي فرحك و ههنيكي كل شئ قسمه و نصيب

انا السبب غلطت لما طلبت انك تبعدي

قولت بكرة تعيشي بعدي عادي و تتعودي

شوفيني اديني ضيعت بعدك و اتأكدي

غابت بعدك ضحكتي ياللي كنتي سبب فرحتي

فراقك مش بـ ايدي كنتي دمي اللي في وريدي

كنتي حضن بيدفيني و انا دلوقتي ايه باقيلي

كنتي انتي فرحه عمري كنتي بالنسبالي عيدي

ضيعتي خلاص من ايدي و نفسي تاني ترجعيلي

مش مصدق ان احنا بعدنا و خلاص مش لبعض

انا كنت ليكي بيت و اخ و ابن و كنت اب

و كنتي ليا حلم بس طلعتي حلم صعب

مكانش يصح اسيبك كنت لازم احارب لأجلك

كنت بحللك مشاكلك بس بقيت انا كل مشاكلك

بقيت سبب تعاستك بعد ما كنت ليكي حبيب

عايشين نتساب و نسيب و نرمي الذنب عـ النصيب