كلمات اغنية النفسية بعافية فارس حميده

النفسية بعافية فارس حميده كلمات

عارفين مين مرتاح طول عمره اللي مسلم لله أمره

من جواه راضي ومتطمن عايش زي ما ربنا أمره

النفسية بعافية شوية محتاج مصحف ومصلية

وأقعد جوا الأوضة لوحدي وأرمى ورايا هموم الدنيا

أجمع قلبي واعيش مع اية تشفي ألم موجود جوايا

وأسجد وأطول فـ سجودي تسجد كل مشاعري معايا

وأسرق نفسي من الأيام وانسى صراع وضجيج والام

واخطف ساعة أقرب فيها من ربنا وانا هبقا تمام

لما افتكر انها مش دايما واننا فيها ضيوف مش أكتر

ومدام الأرزاق مكتوبه والأعمار مسألة محسوبة

ضعف يقين خلانا نشوف في الدنيا حقايق مقلوبة

عارفين مين مرتاح طول عمره اللي مسلم لله أمره

من جواه راضي ومتطمن عايش زي ما ربنا أمره

مش هامه بكرا ولا أمبارح مع كل الأيام متصالح

بس بيسعى وهو مصدق إنه فـ كل الأحوال رابح

فضي فـ قلبك أي مساحة لو مترين خليهم واحة

لما تجيب اخرك م الدنيا فيها تلاقي سكينة وراحة