كلمات اغنية ال عرجاء صلب يام جفران بن هضبان

ال عرجاء صلب يام جفران بن هضبان كلمات

صليت فرضي واستوت الابيات والطرقه بعيد

وطوعت عصما من رهاوتها تهيم لحالها

مانيب اغيب الا حماوي لا يصد ولا يحيد

لا هاموا اصحاب الشعر بـ احلامها وامالها

وان هود الليل العتيم وقام طاريها يزيد

ذعذع من الغربي نسايم وصلها واهمالها

غيدا تثنى حبها بين الحنايا والوريد

طغى عليها الكبر وانغرت وشافت حالها

واقروا عليها من قصيدي مايهدي بالها

وانا محاضي وقفتي مثل ماحاضى ابن مهيد

على مواقف جيرة برهن صدوق افعالها

في لازمك يبو مساعد والله ان باسي شديد

علي الحرام ان تحتزم ف خفافها وثقالها

لولا الحمايا كان وش دور العضيد امع العضيد

سلم على اللي لا تهيا الشان مس حبالها

ترى النعم ما هوب حق للضعيف والبليد

النعم دونه قمة ماكل رجل طالها

وانا بفضل الله تعالى لا مقل ولا وحيد

صفق الهبايب ما يحرك غترتي وعقالها

نفاخر بمجد نضحي له بروس اموالها

يامرحبا في حفل ربعي ترثة المجد التليد

ترحيبتن يصدح صداها فوق روس جبالها

عند ال عرجاء صلب يام ملينة قاس الحديد

في ليلة ما يبرك الا لـ الحمول جمالها

اي والله اعدك يبو مساعد لي حزام ورصيد

مركاي كتفك في مدار سنينها وليالها

سبع من سباع تبيع ارواحها ضد الضديد

في ليلة قلب الجبان يموت قبل اهوالها

رباك عود لـ النشاما مدهل ورايه سديد

تفداه ناس ذكرها ماهو يعز عيالها

يبيد الاموال لـ ضيوفه وذكره ما يبيد

ماهوب من قوم تبيها غير ماتحتالها

لا والله الا من رجال تمن الحد البعيد

خيالة السمراء لا من خربت وانا خيالها

اهل القنا والخيل والبارود والفعل الوكيد

واهل البيوت اللي تذري من زبن بظلالها

قبيلة في سلمهم يوم الملاقى يوم عيد

اليا اعتزت بنت الرجال بعمها وبخالها

عنزت لك على شجاع فاللقى راسه عنيد

ريف الطراقي والحبال ان عقدت حلالها

شيخ ليا منه عزم هوبل وثم طق اللبيد

واليا تمثنى وسط ذيدانه ثعى فـ جلالها

ذكره وفعله واسمه الرنان ياطى كل بيد

ملهي كنان القبيلة فـ اللقى وظلالها

جعل السحاب اليا ترادم بل قبره حيد حيد

سحابتن تمطر كبر كف الرجل وبالها