كلمات اغنية انا زي ما انا مبتغيرش احمد موزه

انا زي ما انا مبتغيرش احمد موزه كلمات

لسه الارض مشلتهوش

اللي انا اجلي منو واخاف

محسوبكم مبيهموش

واللي نكشني قبلكو شاف

شدو ومدو متقاوحوش

شكلكو لسه يبني ضعاف

مهما عملتو مبشوفكوش

دا التخين فيكم شفاف

اخطر واحد علي وش الارض

كلو اتركن اول ماحضرت

وانا اشق وشو اربع تربع

متجوش معايا ف مزاوله ونكش

عشان اللي قدامكو مبيخافش

سندال و واقف زي الوحش

مبجبش ورا ولا يوم برجع

هو يعم انا علي الله

واطيب حد هتقابلو

بس برضو العبدلله

محدش حملو ف مشاكلو

اللي دماغو فيكو جيباه

يظهرلي ويوريني اخرو

اللي هطولو هعملها معاه

تشوفوني جي لازم تجرو

العبدلله ملوش ف الجس

انا مش شبهكو يا حبه هلث

كل اللي جالي ع السكه اتغز

ولاي خصم سايب تذكار

عورت ولا عمري اتعورت

ومع التخين روحت اتصدرت

اخصامي رقدتها ع الارض

وعملت لقطه ف اي حوار

رزق الهبل ع المجانين

والمجانين ملو البلد

بسبب فلوس المدمنين

الكدابين عاملين عمد

كل عبيط شرب نفسين

فكر نفسو بوب مارلي

شمال يمين في خربانين

وعالم زومبي بتظهرلي

الدنيا جنه لكن للعبط

امت الجدع دا ف خنقه وكبت

شقيان وشيلت الطين وتعبت

والدنيا برضو منصفتنيش

مهما تعاندني انا برضو هسد

زي الجبل ولا يوم هتهد

يكفي ان انا بنفسي مش بحد

علي سيطي وب اسمي يابا بعيش

المحبوب من طوب الارض

مكروه من ولاد الناقصه

بس انا مش شاغل بالي بحد

دا كلها ف بعض اونطه

مرحب باللي عايز يتحط

عايز اشوف ليكم لقطه

مش فالحين ياض غير ف الرط

عيال ومش حمل الخبطه

انا زي منا ومبتغيرش

علي وضعي دوغري ومبحورش

انا نسخه واحده مبتكررش

ومليش خالص ع الارض شبيه

كل اللي نفسو معايا يتحط

يضغط علي زرار الاستارت

وروني فعل وبطلو زرط

مش ناقصه شغال عيال معاتيه

فكك من دور التخطير

انت عبيط وامك عارفه

كلها عامله فيها زرازير

يعم شوفلكو مستشفي

ع الحالات كلها بتطير

و ف الشارع ملكوش كارفه

لو جايه معاكو يا هلاهيل

هبعتكو ع الانعاش لفه

هما يعم احلي اخوات

جامدين ومفيش يابا الاجمد

عمد يابا ارض الحويطات

دا حسن العمده ابو محمد

وحسين العمده دا السندال

لو جتلو علي سكه تودع

الحويطات ارض الابطال

اصغر مافينا راجل مجدع