كلمات اغنية انا طفل سلطان خليفة

انا طفل سلطان خليفة كلمات

انا طفل في عقل كهل و شكل شاب

الوقت سوا في حياتي سوايا

صدري وطن تجمعوا فيه الاغراب

ضيعت فيه الراعي من الرعايا

يوله علي من يوله يغيب من غاب

ما ملت وجيه الوجيه المرايا

لـو قلبوا قلبي لقوا قلبي كتاب

مملي حنين و ذكريات و حكـايـا

مثل الهوا بين النوافذ و الأبواب

يمر حلمي ما لقى له زوايـا

عشان اكون بـ يوم حلم الصبايا

فيني عيوب انظر لها نظرة اعجاب

و اشوفها فـ عيون غيري مزايا

مشكلتي اني ما اعرف اخذ بالاسباب

اعطي وصايا بس ما اقبل وصايا

الصدق ما خلا لي اقراب واصحاب

ياصدق تبغى الصدق حنا الضحايا

لو للنوايا صوت في سمع الألباب

بنصدق الألباب و الا النوايا

ما عاد في صمتي مشاريه و عتاب

ولا عاد عذري يستحق الخطايا

عندي هدايا بس ما عندي احباب

عطوني الاحباب و اخذوا الهدايا