كلمات اغنية اوعديني رامي جمال

اوعديني رامي جمال كلمات

اوعديني لو زعلتي مرة مني تعرفيني

لو جرحتك غصب عني تحسسيني

متشيليش جواكي حاجة تحكي ليا كل حاجة

لما هفهم هبقى أحسن صدقيني

اوعديني لو نسيت يا حبيبتي نفسي تفوقيني

لو خدتني الدنيا مني ترجعيني

لو في لحظة زاد غروري اشتكي لومي وثوري

بس اوعي في يوم تروحي وتسبيني

انتي قلبي و انتي روحي و انتي عيني

حد عايز اعيش معاه لآخر سنيني

انتي كل حياتي فعلا افهميني

اوعديني لو في يوم الخوف ملكني تطمنيني

لو ذكائي ف مرة خانني تفهميني

لما أقسى في يوم تحني و أما أغلط غصب عني

قبل ما أغلط غلطة تانية تلحقيني

اوعديني لو يبيعني الكون بحالة تشتريني

تبقي أقرب مني ليا تكمليني

تبقي أختي تبقي أمي تجري فيا جوة دمي

لما اكون تعبان تضمي وتداويني

كلمات أمير طعيمة

ألحان رامي جمال

توزيع أحمد إبراهيم

ميكساج م محمد صقر

صولو فيولا سعيد كمال

تأليف وتريات سعيد كمال