كلمات اغنية ايام زمان عمر كمال

ايام زمان عمر كمال كلمات

حنيت لمكانى و انا وسط جيراني

ياما فى عز المحنه شالوني و تعبوا عشاني

بحن لحكاويهم و السنده عليهم

فاضل منهم اجمل سيره .

كانت احلى ليالى

كان فى أمان مع ناس زمان كان فى حياة

لو غابوا روحهم فى المكان و محلياه

فى ذكريات من ناس فى قلبي مونساه

كان فى حبيب و عنيا لسه مصدقاه

كل اللى كان سافر بعيد نسأل عليه

رمضان زمان تفاصيله غير دلوقتى ليه

ولا عمر عدي علينا عيد حسينا بيه

بحن لبيت جدي و حدوته ستى

لمدرستي فى الابتدائيه عن بالى ما غبتى

بحن لوقفه عيد لعيديه و لبس جديد

بحن لوقفه عيد و عيديه و لبس جديد

بحن لكل شئ كان فيا مبقاش دلوقتى

غمضت عيني و بفتكر ايام زمان

شايف قصادي 100 حكايه و 100 مكان

سبحه ابويا و دعوه أمي ساعة الادان

وجواب فى ورقه حدفتها لبنت الجيران

وحشتنى رحلة سندباد و بورسعيد

بالعوامات فى وسط موجه نروح بعيد

غية حمام مليانه خير على سطحنا

والشمعدان و اتاري ماريو وصوت حميد

بيتنا القديم مليان صور بتقول كلام

مليانه فرحة و فيها ود و اهتمام

ده مكانش حد يقول لحد خلاص سلام

الا اما يتأكد بأنه بخير تمام

كان كل يوم نلعب سوا مش فين و فين

والناس بتضحك ليل نهار كانوا فرحانين

حاسين فى لمتهم دفي متطمنين

ياما فى عز المحنه شالوني

بحن لحكاويهم و السنده عليهم

فاضل منهم اجمل سيره .

.كانت احلى ليالى