كلمات اغنية ايوب الشيخ امام

ايوب الشيخ امام كلمات

ايوب

أتوب ازاي و أنـــــا أيوب رماني الوعد و المكتوب

ســــنين ماشي ورا الأفكار على كـــفوف القدم دوار

لاخليت ف الدروب مشوار ولا فوق الورق مكتوب

وأتوب ازاي وأنا أيوب

رماني الشوق مشيت سواح أغني و مـــلو قلبي جـراح

على يميني شــــــجر صبار على شمالي مافيش أشجار

عـــــــلى قلبي الهوى جبار وابات غالب وأنا المغلوب

وأتوب ازاي وأنا أيوب

يا عيني يا ليلي على انسان غريب الأهل بالأوطان

يقوم عند البذار بذار وعند القسمة مش محسوب

وأتوب ازاي وأنا أيوب

يا ليلي يا عيني يا بحر النيل يا غنوة مزوقة المواويل

على شطة قلوب عشــــاق سـهارى يغزلوا الاشواق

وانا ويا الجميل مشـــتاق بداري الوصف يا محبوب

وأتوب ازاي وأنا أيوب