كلمات اغنية باب الفخر خالد ال بريك

باب الفخر خالد ال بريك كلمات

طال ليلي مع بنات الفكر والهوجاس هايم

في فسيح الكون ماخذ لي عن العالم سياحه

كل ما هبت على راسي من القبله نسايم

كنها تعطي خيالي جرعة منشط مباحه

انتقي شعرا على قوله يحذفون العمايم

عاد أنا اللي لا تقدم ماهوب يبرد سلاحه

يا حضورا يلفت الأنظار ما يلحقه لايم

يا غياب فيه احاول أعطي العالم مساحه

وكل قمة دونها بالدرب مافيه استراحه

التردد والتخوف ما يقطع للخرايم

والمغامر يضرب الكايد ويبرز من كفاحه

ما رفعت الرايه البيضاء لو اذوق الهزايم

انتحاري دون الأحلام الكبار المستباحة

ولا تعودت المحابى عن دروب الذل شايم

كيف اوطي هامتي والعز تلفحني رياحه

النفاق الاجتماعي والوشايه والنمايم

بالزمن هذا تفشت وانتشر معها البجاحه

ماذبحنا غير من لمع بالاعلام الهلايم

الضعوف اللي تمارس بالحياه الانبطاحه

ومن يكرر للردى يسجن ولا يطلق سراحه

البشر دون العقل وش فرقها بين البهايم

لو اشوف اهل العقول احيان ما عاشو براحه

ما كتبت الشعر أدور من ورا نظمه غنايم

القريحه ماهي لكل البشر عندي متاحه

جيت يا باب الفخر عاني من السبع النعايم

فوق بنت الريح من شان العذوبه والفصاحة

ما يطاول هامت افكاري سوا هامت صتايم

وايلي بالفعول المعجزه يروا نجاحه

شوق شيخة جيلها اللي ما تلفت بالخمايم

بنت شيخ تجتمع فيه المهابه والرجاحه

ماهوت غير الكريم اللي يبشر بالغنايم

ابلج كفه يرد القوم وتعشي رماحه

مزبن اللي من همومه بالزمن ماهوب نايم

فزعة اللي من ورا القضبان طنب في صياحه

يعتق ارقاب ويسد ديون وبراسه عزايم

كل ما يدخل مساحه دم قفل للمساحه

والده في يتوسم من قبل ذبح التمايم

يشفي جروح الأوادم دون تخدير وجراحه

شافي الصقري على كبد الفخر والعز حايم

طير حرا لا سمع نخوه قعد يكفخ جناحه

فزعة الصقري تجي عجله وفارقة الوسايم

اسرع من البرق للي خايل بعينه ولاحه

عاد شافي بالحمايا والسخاء ماهوب صايم

كافر بالبخل جوده ما يبي مني إيضاحه

يوم خلق الله بسوق المرجله بايع وسايم

شيخ سوق المرجله شافي ومتقلد وشاحه

جعل يفدا راسه المطنوخ شيخان الولايم

الرخوم اللي ترزز بالمجالس من وقاحه

يا سلام الله على اللي يكسبون الطيب دايم

والخوي في ظلهم يلقى الوفاء و الانشراحه

عنزه بيت الكرم والعز وكبار العزايم

والشجاعه والمروه والحمايا والسماحه

عزوة ما تنوخذ في ظلهم عوج القوايم

يردعون القوم في يوم يروع من صباحه

عنزه يوم الجهل سوو بالاخصام الجرايم

من يناحيهم يذوق سم يقوطر ذحاحه