كلمات اغنية بارد النسناس فلاح المسردي

بارد النسناس فلاح المسردي كلمات

بلغ بارد النساس من صدري المقصود

وتعدا ولا خلى لي الا تنهاته

على جيتك ياطيب القلب غض العود

اللي نورها زاح الظلام ومتاهته

وعدلت المسار اللي حفظته ثلاث عقود

ونطق لك لسان ف الهوا طول سكاته

اما نعتبرها موعد ماعليه قيود

ولا نعتبرها صدفة حظ من جاته

وتبرت عيون مولعك عن علاقاته

هلابك عدد ماسرت جعل الوصال يعود

ما دامك عرفت ان لذة العمر فواته

غلب لذة الدنيا غرام سنتين وزود

معك هايم فيه ومعك عشت لذاته

عمرناه ب اخلاص وموده وصدق عهود

وعليها بناء الحب الحقيقي طموحاته

ورسمنا الحدود ومال حب القلوب حدود

وكبحنا جماح شعورنا عن رغباته

راع الحب مثل المجرم اللي عليه شهود

لو يجاهد شعوره وش يرد نظراته

يراجع ضمير مولع القلب مافاته

وانا والمشاعر في رضا ام العيون السود

وجديلن تفض جموعه وتجمع اشتاته

غنجها يخلي حقل الالغام حقل ورود

وعلشانها تبرا من الوقت ساعاته

تعقد الرضا بين التواضع وبين الزود

وتاخذ من الطفل المدلل حركاته

ولها من صباح العيد طلة ونفحة عود

وتاخذ من الضبي المذير تلفاته

خذتني من ظروف الزمن وااليال السود

وذكرى وقايعها قصيد وتنهاته

ومعها عرفت ان لذة الجود بالموجود

وصدقت قولة كل شخص وقناعاته

لها الحب لين اشرف على يومي الموعود

وذاك الحين يبلغ كل شي نهاياته