كلمات اغنية بخيتون جزاع المري

بخيتون جزاع المري كلمات

تخليني هواجيس القصيد اتعب النيسان

ويشكي لي بطول الدرب واطبطب على الطبلون

واقول اصمد وشرف صانعك ياللي من اليابان

عقد فيك الظنون وقال لي بك ما تخيب ظنون

اباخذ من محرك قوتك هاليوم كم حصان

وابعطيهم لجنن بالقصايد سيفهم مسنون

توجه لين ما توصل على قمة جبل سمحان

ابا اشوف الأراضي أرض وحده والسحابه دون

الين ايهز راسه من نوادر شعري المكنون

وانا اطرب لمطلع من قصيده جات بالمجان

قبل لا اطرب لمطلع قصيده شيكها مليون

تشابه يا جبل في وقفتك منهو الين الآن

يغيث المستغيث بوقفته وبطلع المسجون

وانا مديون وقفاته لو انه ماهو بـ ديان

ويعطي دون لا يطلب عطى لو يغتني المديون

بخيت إنسان واحد لكن ايسدك عن الف انسان

فلا تستغرب إن به واو جمع بكلمة بخيتون

هذا والله صقرا بطحريا يطلق الجنحان

ويصطاد الجمايل كلها من كل شكل ولون

اقوله والخلايق كلها من حولي يقولون

ويوم ان البخيل بمطبخه تتبرد الأفران

تقول فمطبخه شدة حرارة طبقة الأوزون

فبيته كثر ما يذبح وما يطبخ من الطليان

يوصون الأطباء لا يزوره راعي القولون

على درب الكرامه اشهد انه قابض السكان

ومن ما صان ميراث الكرامه وش تباه يصون

ورثها من رجال جودهم في جبهة الأزمان

ملبين النخاوي من زمان فيه عسر وهون

يجيهم من يدور قطرة تروي ضما العطشان

ويرجع كنه شارب عشرة آلاف ومية جالون

عن المواجوب لو فروا الأوادم واستوا دخان

لقيت عيال بطحر في كرمهم صوبه يكرون

ومثل ما خاف حكام الدول من ثورة البلدان

عليهم من كثر ما ينحرون الشعب ويظلمون

انا خـايـف تجينا بعد مده ثورة الـقـعدان

بوجه عيال بطحر من كثر ما منها ينحرون