كلمات اغنية برج العرب حمدان آل مكتوم

برج العرب حمدان آل مكتوم كلمات

برج العرب

في عبارات العيون أشيا كثيرة تسألك

دمعها حكي ونداها بلّل الخد الندي

ما قدرت أرضي غرورك واستحيت أزعلك

كلما لك وانت تنهيني وأنا أرد أبتدي

دام نظراتك مدارات ورجا قلبي فلك

كم عن برج العرب يبعد مدى برج الجدي

قلت تقريباً عدد ما عاشق بحبك هلك

تقصد إلا أعد نص جروح قلبي يا بعدي

قلت لك لا لا ترد تقول لي ما قلت لك

المشاعر ما تنام إلا أنت قلت لها ارقدي

وانت يوم الله عطاك أحلى الوصوف وكملك

كيف تتركني على شطك وأنا قلبي صدي

والله إن عروق قلبي كلها ترتاح لك

ليتك إلا مثل ما خذت بيدك خذت بيدي

من لمست إيدك وأنا أتفدّاك وأتفدّى هلك

ما دريت إن الهوى والعشق باللمس يعدي