كلمات اغنية برواز قصة بدر الحمودي

برواز قصة بدر الحمودي كلمات

برواز قِصّةْ.. لقلبٍ جاته فرصةْ

وفرحةْ حِلْم كانت كبيرة

وكانت أحلى قِصةْ.. لوِ انّه بان حِرصَهْ

على الفرحةْ اللي راحت لغيره

كلّ الحكاية

فتح باب البداية

وضَوّت مثل نجمة بِعينَه

تساهَل في غلاها

مَلَكْها في سماها!

ضمَنها قبل يبذل يدينَه

مع الوقت اختفت هِي

ولعب الغيم دورَه

تعلَّم مِن شتاته

بأنّ الفرصة كنزٍ

إذا ضاعت بيندم في حياته..

*****

مو كلّ فرصة تدوم.. الدنيا لِصّةْ

نتوه وتاخذ اشيا كثيرة

إذا جاتك توصّى .. أو انها تْظلّ غصّة

وما تدري تكون الأخيرة

عكس الحكاية

تمسّك للنهاية

وظّلت أغلى نجمة بعينه

عشق لمعة غلاها

وما راح لْسواها

وعيّا الكون يسبق يدينه

وما صدّتْه غيمةْ

سعى واثبت حضورَهْ

قطفها وفاز فيها وبروزْ شعورَه

بأنّ الفرصة كنزٍ

إذا يغنمها ينجح في حياتَه